2026 жылғы 1 қаңтардан бастап Қазақстан Республикасында жеке тұлғалардың табыстарына салық салу тәртібіне өзгерістер енгізіледі. Жеке табыс салығының (ЖТС) жаңартылған мөлшерлемелері мен салықтық шегерімдері салық төлеушілердің әртүрлі санаттарына қолданылады.
ЖЕКЕ ТАБЫС САЛЫҒЫНЫҢ МӨЛШЕРЛЕМЕЛЕРІ
Жеке тұлғалардың табыстары
Жеке тұлғалардың табыстарына прогрессивті салық салу шкаласы қолданылады:
- 8 500 АЕК-ке дейінгі табыс 10% мөлшерлеме бойынша салық салынады;
- 8 500 АЕК-тен асатын табысқа – көрсетілген шек шегіндегі табысқа 10% және асып кеткен сомасына қосымша 15% мөлшерлеме қолданылады.
Жеке практикамен айналысатын тұлғалардың табыстары
Жеке практикамен айналысатын тұлғалар үшін жеке табыс салығының мөлшерлемесі 9% деңгейінде белгіленеді.
Дивидендтер
Дивиденд түріндегі табыстарға мынадай мөлшерлемелер қолданылады:
- 230 000 АЕК-ке дейін – 5%;
- 230 000 АЕК-тен асатын табысқа – белгіленген шек шегіндегі табысқа салық және асып кеткен сомасына 15%.
Жеке кәсіпкерлер мен шаруа қожалықтарының табыстары (жалпыға бірдей белгіленген режим)
- 230 000 АЕК-ке дейін – 10%;
- 230 000 АЕК-тен асатын табысқа – белгіленген лимит шегіндегі табысқа салық және асып кеткен сомасына 15%.
САЛЫҚТЫҚ ШЕГЕРІМДЕР
Жеке тұлғалар салық салынатын табысты төмендету үшін мынадай шегерімдерді қолдануға құқылы:
- міндетті әлеуметтік төлемдер, оның ішінде міндетті зейнетақы жарналары, міндетті әлеуметтік медициналық сақтандыруға арналған жарналар мен аударымдар, сондай-ақ азаматтық-құқықтық шарттар бойынша әлеуметтік аударымдар;
- айына 30 АЕК мөлшеріндегі базалық салықтық шегерім, бірақ жылына 360 АЕК-тен аспайды;
- әлеуметтік салықтық шегерімдер:
- I және II топтағы мүгедектігі бар тұлғалар үшін – 5 000 АЕК;
- III топтағы мүгедектігі бар тұлғалар, мүгедектігі бар балалар, Ұлы Отан соғысының қатысушылары мен ардагерлері, сондай-ақ мүгедектігі бар балалардың ата-аналары, қамқоршылары, асырап алушылары мен қорғаншылары үшін – 882 АЕК (заңнамада көзделген жағдайларда).
Uchet.kz материалдары негізінде
