2025 жылғы 13 наурыздан бастап Қазақстанда Әкімшілік құқық бұзушылық туралы кодекске (ӘҚБтК) өзгерістер күшіне енді. Олар бухгалтерлерге, аутсорсингтік компанияларға, кәсіпкерлерге және электрондық цифрлық қолтаңбаны (ЭЦҚ) жұмыста пайдаланатын барлық тұлғаларға тікелей қатысты.
Бұған дейін ӘҚБтК-нің 640-бабының 5-тармағына сәйкес тек ЭЦҚ-ны заңсыз беру үшін жауапкершілік қарастырылса, енді бап 6-тармақпен толықтырылып, басқа адамның ЭЦҚ-сын пайдаланғаны үшін төмендегі айыппұлдар белгіленді:
- Жеке тұлғалар – 50 АЕК (2025 жылы 196 600 теңге);
- Лауазымды тұлғалар, шағын бизнес, коммерциялық емес ұйымдар – 100 АЕК (393 200 теңге);
- Орта бизнес – 150 АЕК (589 800 теңге);
- Ірі бизнес – 200 АЕК (786 400 теңге).
Бухгалтерлік тәжірибеде басшының ЭЦҚ-сы салық есептілігін тапсыруға, электронды шот-фактураларға қол қоюға, e-otinish порталы арқылы өтініштер жіберуге, тіркеу және кадрлық құжаттармен жұмыс істеуге және мемлекеттік органдармен өзге де операцияларға қолданылады.
Енді компаниялар мен кәсіпкерлер айыппұлдардан сақтану үшін өз процестерін қайта қарауы тиіс.
Қауіптерден қалай сақтануға болады?
Қазақстан Республикасының Цифрлық даму, инновациялар және аэроғарыш өнеркәсібі министрлігі ЭЦҚ-мен жұмыс істеудің бірнеше заңды тәсілін ұсынады:
- Сенімхат рәсімдеу
- Заңды тұлғаның басшысы электронды құжаттарға қол қою өкілеттігін қызметкерге немесе аутсорсерге ресми түрде бере алады.
- Жеке тұлғалар мен жеке кәсіпкерлер бухгалтерге немесе өзге уәкілетті тұлғаға нотариалды сенімхат рәсімдей алады. Бұл ретте әркім өз атына тіркелген ЭЦҚ-ны пайдалануы қажет.
- ЭЦҚ-ны жеке пайдалану
- Компания басшыларына құжаттарға өздері қол қою ұсынылады. Бұл заң талаптарын сақтауға және жеке жауапкершілікті қамтамасыз етуге көмектеседі.
Жаңа талаптарға бейімделу бизнес үшін санкциялардан құтылудың және заңнамаға сәйкес жұмыс істеудің маңызды шарты болып табылады.
Дереккөз: uchet.kz
